قازاقستان رەسپۋبليكاسى مادەنيەت جانە سپورت مينيسترلىگىنىڭ بۇيرىعى №91

2014 جىلعى 11 قاراشا,  استانا قالاسى «ورتالىق ساراپتاۋ-تەكسەرۋ كوميسسياسى جانە ورتالىق مەملەكەتتىك جانە ارنايى مەملەكەتتىك مۇراعاتتاردىڭ ساراپتاۋ-تەكسەرۋ كوميسسيالارى  تۋرالى ەرەجەلەردى بەكىتۋ تۋرالى» قازاقستان رەسپۋبليكاسى بايلانىس جانە اقپارات ءمينيسترىنىڭ 2011 جىلعى 16 قاراشاداعى №348 بۇيرىعىنا وزگەرىستەر ەنگىزۋ تۋرالى «نورماتيۆتىك-قۇقىقتىق اكتىلەر تۋرالى» 1998 جىلعى 24 ناۋرىزداعى قازاقستان رەسپۋبليكاسى زاڭىنىڭ 43-1-بابىنا سايكەس بۇيىرامىن: 1. «ورتالىق ساراپتاۋ-تەكسەرۋ كوميسسياسى جانە ورتالىق مەملەكەتتىك جانە ارنايى مەملەكەتتىك مۇراعاتتاردىڭ ساراپتاۋ-تەكسەرۋ كوميسسيالارى تۋرالى ەرەجەلەردى بەكىتۋ تۋرالى» قازاقستان رەسپۋبليكاسى بايلانىس جانە اقپارات ءمينيسترىنىڭ 2011 جىلعى 16 قاراشاداعى № 348 بۇيرىعىنا (نورماتيۆتىك-قۇقىقتىق اكتىلەردى مەملەكەتتىك تىركەۋ تىزىلىمىندە № 7343 بولىپ تىركەلگەن, «ەگەمەن قازاقستان» گازەتىندە 2012 جىلعى 20 قازانداعى № 689-693 (27765) جاريالانعان) مىناداي وزگەرىستەر ەنگىزىلسىن: كورسەتىلگەن بۇيرىقپەن بەكىتىلگەن ورتالىق ساراپتاۋ-تەكسەرۋ كوميسسياسى تۋرالى ەرەجەسىندە: 1-تارماق مىناداي رەداكتسيادا جازىلسىن: «1. ورتالىق ساراپتاۋ-تەكسەرۋ كوميسسياسى (بۇدان ءارى – وستك) قازاقستان رەسپۋبليكاسى مادەنيەت جانە سپورت (بۇدان ءارى – مينيسترلىك) جانىنداعى قۇجاتتاردىڭ قۇندىلىعىنا ساراپتاما جاسايتىن جانە ولاردى ۇلتتىق مۇراعات قورىنىڭ قۇرامىنا ەنگىزۋگە (شىعارۋعا) بايلانىس­تى عىلىمي-ادىستەمەلىك ماسەلەلەردى قاراستىراتىن, سونىمەن قاتار, ونىڭ تولىقتىرۋ كوزدەرىن بەلگىلەۋدى جۇزەگە اسىراتىن كونسۋلتاتيۆتىك-كەڭەسشى ورگان بولىپ تابىلادى.»; 3 جانە 4-تارماقتار مىناداي رەداكتسيادا جازىلسىن: «3. وستك قۇرامى ءمينيستردىڭ بۇيرىعىمەن بەكىتىلەدى. 4. وستك قۇرامىنا: توراعا, توراعانىڭ ورىنباسارى, حاتشى جانە مينيسترلىكتىڭ, مەملەكەتتىك, ارنايى مەملەكەتتىك, ورتالىق جانە جەرگىلىكتى اتقارۋشى ورگانداردىڭ ماماندارىنان, عىلىم, وقۋ ۇيىمداردىڭ وكىلدەرى وستك مۇشەلەرى بولىپ كىرەدى; 1) وستك توراعاسى بولىپ مينيسترلىكتىڭ جەتەكشىلىك ەتەتىن ۆيتسە-ءمينيسترى تابىلادى. وستك توراعاسىنىڭ ورىنباسارى مينيسترلىكتىڭ قۇرىلىمدىق بولىمشەلەرى باسشىلارىنىڭ قۇرامىنان تاعايىندالادى; 2) وستك حاتشىسى دەپارتامەنتتىڭ قۇرىلىمدىق بولىمشەلەرىنىڭ قاتارىنان تاعايىندالادى, وستك قاراستىرىلاتىن ماسەلەلەردى دايىنداۋدى قامتاماسىز ەتەدى.»; 9-تارماق مىناداي رەداكتسيادا جازىلسىن: «9. مۇراعات ءىسى جانە قۇجاتتاما دەپارتامەنتى وستك جۇمىس ورگانى بولىپ تابىلادى.». 13-تارماق مىناداي رەداكتسيادا جازىلسىن: «13. وستك شەشىمدەرى اشىق داۋىس بەرۋ ارقىلى قابىلدانادى جانە ەگەر ولارعا وستك مۇشەلەرىنىڭ جالپى سانىنان كوپشىلىك داۋىس بەرىلسە, قابىلدانعان بولىپ ەسەپتەلەدى. داۋىستار تەڭ بولعان جادعدايدا توراعا داۋىس بەرگەن شەشىم قابىلدانعان بولىپ ەسەپتەلەدى. وستك مۇشەلەرىنىڭ ەرەكشە پىكىر بىلدىرۋگە قۇقىعى بار, ەگەر ونى بىلدىرسە, ول وستك حاتتاماسىنا قوسىمشا رەتىندە جازباشا تۇردە بەرىلۋى قاجەت. وستك شەشىمدەرى مينيستر بەكىتكەن حاتتامامەن راسىمدەلەدى.» 2. قازاقستان رەسپۋبليكاسى مادەنيەت جانە سپورت مينيسترلىگىنىڭ مۇراعات ءىسى جانە قۇجاتتاما دەپارتامەنتى: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە بەكىتىلگەن زاڭناماعا سايكەس مەملەكەتتىك تىركەلۋىن; 2) وسى بۇيرىقتىڭ مەملەكەتتىك تىركەلۋىنەن كەيىن ون كۇنتىزبەلىك كۇننىڭ ىشىندە مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋ ءۇشىن جولداۋدى; 3) وسى بۇيرىقتىڭ قازاقستان رەسپۋبليكاسى مادەنيەت سپورت مينيسترلىگىنىڭ ينتەرنەت-رەسۋرسىندا ورنالاستىرۋىن قامتاماسىز ەتسىن. 3. وسى بۇيرىق العاش رەسمي جاريالانعان كۇنىنەن باستاپ قولدانىسقا ەنگىزىلەدى. مينيستر ا.مۇحامەدي ۇلى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 8 جەل­توقساندا نورماتيۆتىك-قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9937 بولىپ ەنگىزىلدى.